दापोली :
शाळेच्या पहिल्या दिवशी नवागतांच्या स्वागताला पावसाने जोरदार हजेरी लावली. पावसामुळे कोणतीही शाळा बंद नसून सर्व शाळांमधील विद्यार्थ्यांचे समारंभपूर्वक स्वागत करण्यात आल्याची माहिती गटशिक्षणाधिकारी रामचंद्र सांगडे यांनी दिली. मात्र पहिल्याच दिवशी तालुक्यात तीन गळक्या शाळा आढळून आल्याने या शाळांतील विद्यार्थ्यांची वेगळी बैठक व्यवस्था करण्याची नामुष्की प्रशासनावर ओढवली.
तालुक्यातील तीन गळक्या शाळांमध्ये दापोली शहरातील काळकाई कोंड, भिवबंदर व पालगड येथील पालगड क्र. 1 चा समावेश आहे. शहरातील काळकाई कोंड येथील शाळेला मे महिन्यात झालेल्या अवकाळी पावसाचा फटका बसला. येथे पहिली ते सातवीपर्यंत तब्बल 60 विद्यार्थी शिक्षण घेतात. पहिल्या दिवशी त्यांची बुऊड समाजाच्या समाजमंदिरात व लगतच्या एका शासकीय खोलीमध्ये बसण्याची व्यवस्था करण्यात आली.
- पालगडमध्ये स्वागत कार्यक्रमावर बहिष्कार
पालगड क्र. 1 शाळेचे दुऊस्तीचे काम नुकतेच पूर्ण झाले आहे. मात्र हे काम निकृष्ट दर्जाचे झाल्याचा पालकांनी आरोप पेला असून विद्यार्थ्यांना शाळेत बसवण्यास आक्षेप घेतला. त्यामुळे या विद्यार्थ्यांना हायस्कूलच्या एका खोलीमध्ये बसवण्यात आले. या खोलीमध्ये पहिली ते चौथीचे वर्ग एकाच खोलीत बसवण्यात आल्याचा आरोप पालकांनी केला आहे. शाळेमध्ये पहिली ते चौथीपर्यंत 35 पटसंख्या आहे. पालकांनी यापूर्वीदेखील शाळेच्या झालेल्या दुऊस्तीच्या अनियमित व निकृष्ट कामाबद्दल आक्षेप घेतला होता. शासनाने त्यांची पर्यायी व्यवस्था केली असली तरी येत्या 15 दिवसात इमारतीची दुऊस्ती न झाल्यास विद्यार्थ्यांना शाळेत न पाठवण्याचा निर्णय पालकांनी घेतला आहे. तसेच पहिल्या दिवसापर्यंत शाळेचे दुऊस्तीचे काम न केल्यामुळे पालकांनी नवागतांच्या स्वागत कार्यक्रमावरदेखील बहिष्कार घातला.
- मोफत गणवेशांचेही वाटप
तालुक्यातील सर्व शाळांमधून तब्बल 1151 नवागत विद्यार्थी इयत्ता पहिलीत दाखल झाले आहेत. इयत्ता पहिलीत दाखल होणाऱ्या नवागतांचे ढोल, ताशांच्या गजरात मिरवणुकीने स्वागत करण्यात आले. पहिल्याच दिवशी इयत्ता पहिली ते आठवीपर्यंतच्या मराठी माध्यमाच्या 9498 आणि उर्दू माध्यमाच्या 1562 विद्यार्थ्यांना मोफत पाठ्यापुस्तकांचे वाटप करण्यात आले. शिवाय इयत्ता पहिली ते आठवीपर्यंतच्या 6900 विद्यार्थ्यांना प्रत्येकी दोन मोफत गणवेशांचेही वाटप करण्यात येणार होते. हा निधी वर्ग करण्यात आल्याचे सांगडे यांनी सांगितले.
