कोल्हापूर :
राज्यात सध्या 35 एएनएम, 23 जीएनएम प्रशिक्षण संस्था कार्यरत असून, नागपूर येथे सार्वजनिक आरोग्य परिचारिका संस्था, ठाणे व पुणे येथे मनोरुग्ण तज्ञ परिचारिका प्रशिक्षण संस्था, आणि जालना येथे बीएससी नर्सिंग महाविद्यालय कार्यरत आहे. यावर्षी इचलकरंजी येथे नवीन जीएनएम प्रशिक्षण संस्था, तसेच नव्याने सातारा, सिंधुदुर्ग व नाशिक येथे बीएससी नर्सिंग महाविद्यालये सुरू करण्यात येत आहेत.असे आरोग्यमंत्री प्रकाश आबिटकर यांनी सार्वजनिक आरोग्य विभागाच्यावतीने परिचारिका दिनानिमित्त आयोजीत पहिल्या राज्यस्तरीय फ्लोरेन्स नाईटिंगेल पुरस्कारांचे वितरणाप्रसंगी ते बोलत होते.
12 मे रोजी जागतिक परिचारिका दिन साजरा केला जातो. हा दिवस फ्लोरेन्स नाईटिंगेल यांच्या जन्मदिनी साजरा होतो. ‘परिचारिकांची काळजी घ्या, अर्थव्यवस्था मजबूत करा‘ असे यावर्षीचे घोषवाक्य आहे. या कार्यक्रमात पहिल्याच वर्षी देण्यात येणाऱ्या राज्यस्तरीय पुरस्कार विजेत्यांना अकरा हजर, प्रमाणपत्र व स्मृतिचिन्ह देवून सन्मानित करण्यात आले.यावेळी बेलताना आरोग्यमंत्री आबिटकर यांनी सांगितले की, राज्यात 23 जीएनएम 35 एएनएम, प्रशिक्षण संस्था चालु असून,त्याच बरोबर ठाणे व पुणे येथे मनोरुग्ण तज्ञ परिचारिका प्रशिक्षण संस्था, नागपूर येथे सार्वजनिक आरोग्य परिचारिका संस्था,आणि जालना येथे बीएससी नर्सिंग महाविद्यालय सुरू आहते. यावर्षी नव्याने कोल्हापुर जिल्हासाठी इचलकरंजी येथे जीएनएम प्रशिक्षण संस्था, तसेच नव्याने सातारा, सिंधुदुर्ग व नाशिक येथे बीएससी नर्सिंग महाविद्यालये सुरू करण्यात येत आहेत. सध्याच्या काळात प्रशिक्षण, चांगल्या विषयांसाठी एक्सपोजर आणि प्रशिक्षणे होणे महत्त्वाचे आहे. सर्वसामान्य लोकांना समजून घेत अधिक सेवा देण्याचा प्रयत्न केला पाहिजे असे आवाहन त्यांनी केले.शंभर वर्षापूर्वी आलेल्या प्लेगच्या साथी प्रमाने आलेल्या कोरोना काळात आरोग्य यंत्रणेचे महत्त्व अधोरेखित झाले. यापुढेही आरोग्य क्षेत्रातील सर्व घटकांनी असेच समर्पित कार्य करून योगदान द्यावे.असे ते म्हणाले.
‘ज्याप्रमाणे परिचारिकांना फ्लोरेन्स नाईटिंगेल पुरस्काराने सन्मानित केले जाते, त्याचप्रमाणे सार्वजनिक आरोग्य क्षेत्रातील इतरही विभागांतील अधिकारी व कर्मच्रायांना त्यांच्या उत्कृष्ट कार्यासाठी गौरविण्यात येईल,‘ अशी घोषणाही सार्वजनिक आरोग्यमंत्री प्रकाश आबिटकर यांनी केली. यावेळी खासदार धैर्यशील माने, आरोग्य सेवा संचालनालयाचे संचालक डॉ. नितीन अंबाडेकर, संचालक डॉ. विजय कंदेवाड, उपसंचालक डॉ. दिलीप माने, सहाय्यक संचालक डॉ. नीलिमा सोनावणे, अतिरिक्त मुख्य कार्यकारी अधिकारी संतोष जोशी, जिल्हा शल्य चिकित्सक डॉ. सुप्रिया देशमुख, जिल्हा आरोग्य अधिकारी डॉ. अनिरुद्ध पिंपळे यांच्यासह अनेक अधिकारी, कर्मचारी आणि पुरस्कार प्राप्त परिचारिका उपस्थित होत्या.
कार्यक्रमाचे प्रास्ताविक डॉ. विजय कंदेवाड यांनी केले, तर आभार डॉ. पुरुषोत्तम मडावी यांनी मानले. यावेळी उपस्थित परिचारिकांनी सेवेबाबत हातात दिवे घेऊन सामूहिक प्रतिज्ञा केली .
