आरोही चित्रगारला तीन सुवर्णपदके

बेळगाव : दावणगेरे येथे सीबीएसई साऊथ झोन 11 वर्षाखालील वयोगटात जैनची विद्यार्थिनी व आबा हिंद क्लबची जलतरणपटू आरोही चित्रगारने 3 सुवर्णपदक पटकावित घवघवीत यश संपादन केले आहे. दावणागेरे येथे घेण्यात आलेल्या जलतरण स्पर्धेत 50 मी. बॅकस्ट्रोक, 50 मी. बटरफ्लॉय व 200 मी. आयएम या जलतरण क्रीडा प्रकारात प्रथम क्रमांकासह तीन सुवर्णपदके पटकावित मुलींच्या अकरा वर्षाखालील गटातील वैयक्तिक विजेतेपद पटकाविले. आरोहीच्या या कामगिरीमुळे तिची सोनीपत हरियाणा येथे होणाऱ्या राष्ट्रीय सीबीएसई जलतरण स्पर्धेत भाग घेण्यासाठी अभिनंदन निवड झाली आहे. आरोहीला एनआयएस जलतरण प्रशिक्षक विश्वास पवार यांचे बहुमोल मार्गदर्शन लाभले आहे. शाळेचे मुख्याध्यापिका रोहिणी के. बी. क्रीडा शिक्षिका चांदणी, आबा क्लबचे चेअरमन अॅङ मोहन सप्रे, अध्यक्ष शितल हुलबत्ते  हिंद क्लबचे अध्यक्ष अरविंद संगोळी यांचे बहुमोल मार्गदर्शन लाभले आहे.