जम्मू-काश्मीरमधील कुलगाम जिल्ह्यात दहशतवाद्यांशी झालेल्या चकमकीत लष्कराचे 3 जवान शहीद झाले. दक्षिण काश्मीरमधील कुलगाम जिल्ह्यातील हलान जंगल परिसरात अतिरेकी असल्याची माहिती मिळाल्यानंतर सुरक्षा दलांनी घेराबंदी आणि शोध मोहीम सुरू केली. यावेळी दहशतवाद्यांनी सुरक्षा दलांवर गोळीबार केला. या गोळीबारात 3 जवान जखमी झाले उपचारादरम्यान त्यांचा मृत्यू झाला. ही घटना काल घडली.
कुलगाममधील हलानच्या उंच भागात दहशतवादी असल्याची गुप्त माहिती सुरक्षा दलाला मिळाली होती. माहिती मिळताच सुरक्षा दलांनी 4 ऑगस्ट रोजी शोध मोहिम सुरु केली. यावेळी दहशतवाद्यांनी गोळीबार सुरु केला. या गोळीबारात तीन जवान जखमी झाले. त्यांना उपचारासाठी हॉस्पिटलमध्ये दाखल केले. मात्र उपचारावेळी त्यांचा मृत्यू झाला. याआधीही एप्रिल आणि मे या दोन महिन्यांत पूँछ आणि राजौरी या दोन जिल्ह्यांमध्ये झालेल्या चकमीत दहा जवान शहीद झाले आहोत.
