ओटवणे प्रतिनिधी बांदा-दाणोली जिल्हा मार्गावरील सरमळे येथे तेरेखोल नदीतील पुराच्या पाण्यात अडकलेल्या पर्यटकांना सुखरूप बाहेर काढणाऱ्या सरमळेतील ७ शौर्यवान युवकांचा सावंतवाडी तालुका पत्रकार संघ आणि अर्चना फाऊंडेशन यांच्या संयुक्त विद्यमाने २८ जुलैला सकाळी १०:३० वाजता सरमळे आमराई येथे सन्मान करण्यात येणार आहे.
संजय सावंत, विश्वजीत गावडे, संजय गावडे, रजत देसाई, अक्षय तळवडेकर (सर्व सरमळे), एकनाथ दळवी (विलवडे), संजय गावकर (ओटवणे) या सात युवकांनी बांदा – दाणोली जिल्हा मार्गावरील तेरेखोल नदीच्या पुराच्या पाण्यातून पर्यटकांसह दोन वाहनांना बाहेर काढले. त्यांच्या या कर्तुत्वाचा शाल, श्रीफळ आणि भेटवस्तू देऊन सन्मान करण्यात येणार आहे.
यावेळी सिंधुदुर्ग जिल्हा पत्रकार संघाचे अध्यक्ष उमेश तोरसकर, शासनाच्या पत्रकार अधिस्वीकृती समितीचे सदस्य गजानन नाईक, अर्चना फाउंडेशनच्या अध्यक्षा अर्चना घारे परब सरमळे सरपंच विजय गावडे आदी मान्यवर उपस्थित राहणार आहेत. या कार्यक्रमाला उपस्थित राहण्याचे आवाहन सावंतवाडी तालुका पत्रकार संघाचे अध्यक्ष हरिश्चंद्र पवार, सचिव मयूर चराटकर आदींसह पत्रकार संघाच्या सर्व पदाधिकाऱ्यांनी केले आहे.
