सातारा : मांढरदेव येथील प्रसिद्ध असणाऱ्या काळुबाई देवीच्या मंदिरात मिळालेल्या देणगीची दर महिन्याला खाजगी व्यक्तींकडून मोजणी केली जाते. मोजणी करताना देणगीत आलेले दीड लाख रुपये आणि दागिन्यांची चोरी केल्याचे समोर आले आहे. काळूबाई मंदिरातील दानपेटीतील रक्कम मोजणाऱ्या निवृत्त बँक कर्मचाऱ्यांने दीड लाखाची रुपयांची रक्कम आणि सोन्याचे दागिन्यांची चोरी केल्याचे उघडकीस आले आहे. यामुळे मांढरदेव भक्तांमध्ये एकच खळबळ उडाली आहे. या चोरी च्या घटनेप्रकरणी वाई पोलीस ठाण्यात गुन्हा दाखल झाला असून संबंधित कर्मचाऱ्याला पोलिसांनी ताब्यात घेतले आहे.
