चंद्रेश्वर-भूतनाथ मंदिरात चोरी

केपे : पर्वत पारोडा-केपे येथील Žाr चंद्रेश्वर भूतनाथ मंदिरात चोरी झाली असून अज्ञात चोरट्यांनी मंदिराच्या उजव्या बाजूला असलेला दरवाजा फोडून आत प्रवेश केला व मंदिरातील फंड पेटीतील सुमारे दहा हजार चोरून चोरटे फरार झाले. काही वर्षापूर्वी अशीच चोरी श्री चंद्रेश्वर-भूतनाथ मंदिरात झाली होती.  केपे परिसरातील प्रसिद्ध दैवस्थाना पैकी एक देवस्थान म्हणजे Žाr चद्रेश्वर-भूतनाथ मंदिर होय. काल सोमवारी सकाळी 7 वाजता मंदिर उघडले असता, मंदिरात चोरी झाल्याचे आढळून आले. दररोज सायंकाळी 6 वाजता आरती झाल्यानंतर पुजारी मंदिर बंद करतो. तसेच रात्रीच्या वेळी पहारा देण्या करता दोन सुरक्षा रक्षक ही देवस्थान तर्फे नेमण्यात आले आहे. मात्र, ते सुरक्षा रक्षक रविवारी रात्री कामावर गेलेच नसल्याने चोरी झाल्याचा अंदाज पोलिसांकडून व्यक्त करण्यात आला. काल सोमवार सकाळी 7च्या दरम्यान पुजारी मंदिरात आले असता हा चोरीचा प्रकार उघडकीस आला. या चोरी प्रकरणात दोन व्यक्तीचा हात असल्याचा प्राथमिक अंदाज व्यक्त करण्यात येत असून त्यांनी रात्री मंदिरात कोणीच नसल्याचा फायदा घेत श्री चंद्रेश्वर देवालयातून भूतनाथ देवालयात जाणारा उजव्या बाजूचा जोड दरवाजा कटरद्वारे कापून आत प्रवेश केल्यानंतर Žाr चंद्रेश्वर देवालयाची फंट पेटी देवालया बाहेर नेऊन पैशे घेऊन पसार झाले. यात सुमारे 10 हजार ऊपये चोरल्याचा अंदाज पोलिसांनी व्यक्त केला आहे. आठ दिवसांपूर्वीच फंड पेटीतील पैसे देवस्थान तर्फे काढण्यात आले होते. या चोरीचा तपास लावण्यासाठी सीसीटीव्ही कॅमेऱ्याची फुटेज तसेच श्वान पथकाची मदत केपे पोलिसांनी घेतली आहे. या चोरी प्रकरणात केपेचे निरीक्षक दीपक पेडणेकर यांच्या मार्गदर्शना खाली पुढील तपास जारी आहे.