सातार्डा : रायाचेपेड येथील जगन्नाथ राऊळ यांच्या घरच्या अंगणात आलेली सहा फुटी मगर रायाचेपेडमधील तरुणांनी पकडली . बुधवारी रात्री पावणेएक वाजताच्या दरम्यान ही घटना घडली.मध्यरात्रीच्यावेळी कुत्र्याच्या भुंकण्याचा आवाज आल्याने जगन्नाथ राऊळ घरा बाहेर आले. अंगणात त्यांना मगर असल्याचे दिसले. त्यानंतर त्यांनी कुटुंबीय व शेजाऱ्यांना बोलावले. बाबी राऊळ, बाळ आरोंदेकर, विजय कांबळी,सत्यवान राऊळ,सुरज राऊळ, भिकाजी राऊळ यांनी त्या मगरीला रस्सीने बांधून ठेवले. मगर बांधून ठेवल्याची माहिती डॉ रवींद्रनाथ रेडकर यांना दिली. डॉ रेडकर व भिकाजी राऊळ यांनी ती मगर गुरुवारी सकाळी रायाचेपेड – पाटोपूल याठिकाणी तेरेखोल नदीपात्रात सोडली.
