मांगले वार्ताहर
तुषार गणपती पांढरबळे (वय२४ ) मुळ गाव – बिळाशी सध्या राहाणार मांगले (ता शिराळा ) यांने वारणा नदीवरील मांगले – सावर्डे दरम्यानच्या बंधाऱ्या वरून वारणा नदीपात्रात उडी मारण्याची घटना शनिवारी दुपारी चारच्या सुमारास घडली.
तुषार गणपती पांढरबळे हा मूळचा बिळाशी गावचा असून मांगले येथे आजोळी आईसह रहात होता. त्याने शनिवारी दुपारी चारच्या सुमारास वारणा नदीवरील मांगले -सावर्डे दरम्यानच्या बंधा-यावरून मोबाईलवरुन बोलत बोलत उडी घेतली .
यावेळी तेथे मासेमारी करणा-या लोकांनी त्याला अडवण्याचा प्रयत्न केला .मात्र त्याने त्याना न जुमानता पाण्यात उडी मारली. दरम्यान नदी पात्रात उडी मारण्यापूर्वी काही तास आगोदर त्याने मोबाईलच्या स्टेटसला मला शोधण्याचा प्रयत्न करू नको, मी कुठेही सापडणार नाही,तुझ्याच आठवणीत जगत राहीन ,पण पुन्हा तुझ्या आयुष्यात येणार नाही.असा मजकूर ठेवला आहे. आज सकाळ पासून एनडीआरएफ जवान आणि प्रशासन यंत्रणा यांनी तुषार पांढरपळे यांच्या शोधासाठी मोहीम राबवली आहे.
