नायब तहसिलदार संदिप पानमंद यांनी केली प्रशंसा
वेंगुर्ले (वार्ताहर)-
वेंगुर्ले तालुक्यातील धान्य दुकानदार प्रामाणिकपणे करीत असलेल्या कामाच्या बाबतीत समाधान व्यक्त करीत प्रशंसा केली. अशाच प्रकारे चांगले काम करून आपल्या वेंगुर्ले तालुक्याचे नाव राखा असे प्रतिपादन नायब तहसिलदार संदिप पानमंद यांनी वेंगुर्ले तहसिलदार कार्यालयातील सभागृहात आयोजित धान्यदुकानदारांच्या बैठकीत केले.
येथील तहसिलदार कार्यालयाच्या सभागृहात वेंगुर्ले तालुक्यातील सर्व धान्यदुकानदारांची सभा नायब तहसिलदार संदिप पानमंद यांच्या अध्यक्षतेखाली संपन्न झाली. यावेळी व्यासपीठावर उपस्थित मान्यवरांत पुरवठा विभाग प्रमुख प्रितम वाडेकर, नुतन पुरवठा विभाग प्रमुख अशोक पवार, श्री. पाटील, विक्रांत सुर्यवंशी, वेंगुर्ले तालुका धान्यदुकानदार संघटनेचे अध्यक्ष तात्या हाडये, जेष्ठ धान्यदुकानदार अशोक राणे यांचा समावेश होता.
यावेळी तालुक्यात उत्कृष्ट धानदुकान सेवा बजावणाऱ्या वेंगुर्ले तालुका धान्य दुकानदार संघटनेचे अध्यक्ष तात्या हाडये रेडी धान्यदुकान नं. ३ चे धान्यदुकानदार अशोक राणे, उभादांडा धान्य दुकानदार कर्मचारी श्री आरोलकर यांचा तसेच पुरवठा अव्वल कारकून प्रितम बाडेकर, लिपीक सतीश हराळे, विक्रांत सुर्यवंशी यांचा शाल श्रीफळ देवून नायब तहसिलदार पानमंद यांच्या हस्ते सत्कार करण्यात आला.यावेळी वेंगुर्ले तालुका धान्य दुकानदार संघटनेचे अध्यक्ष तात्या हाडये यांनी, धान्य वितरण केलेल्या मालाचे कमिशन लवकर मिळावे. यापूढे ज्या महिन्याचे धान्य वितरण करणार त्याच महिन्यात धान्याचे कमिशन धान्यदुकांनांना मिळण्यासाठी वेंगुर्ले तहसिलदारांना शासनाकडे प्रयत्न करावेत. अशी मागणी अध्यक्ष तात्या हाइये यांनी केली.
यावेळी प्रितम वाडेकर यांनी, आपले अनुभव व कामाची पध्दत सांगितली. धान्य दुकानदार हे थेट जनतेशी निगडीत असल्याने वेळेचेवेळी धान्य खरेदीस धान्यदुकानदार येऊन जनतेस ते वित्तरण करतात. याबद्दल सर्व धान्यदुकानदारांबाबत गौरवोदगार काढले. तर अशोक राणे यांनी, आपले मनोगतांत रेशन दुकानात काम करणे फार कठीण असते. लांबुन दिसायला चांगले असले तरी सर्वांसी जुळवून घ्यावे लागते. सर्वच कार्डधारक सारखे नसतात. सारखे नसतात. रेशनदुकानात काम केल्याशिवाय त्याचा अनुभव येणार नाही. यावेळी वेंगुर्ले तहसिलदार कार्यालयातून बदली झालेल्या पुरवठा विभाग अधिकारी प्रितम वाडेकर, कर्मचारी सतीश हराळे, विक्रांत सुर्यवंशी शेवटी धान्य दुकानदार संघटनेचे अध्यक्ष तात्या हाइये यांनी सर्वांचे आभार मानले.
