सान्याचे दोगिने पळविणाऱ्या महिलेला अटक

पणजी : घरकाम करणाऱ्या महिलेने ज्या घरात काम करीत होती त्याच घरातून सुमारे 4 लाख 75 हजार ऊपये किमंतीचे सोन्याचे दागिने पळविल्याची घटना घडली असून संशयित महिलेला पणजी पोलिसांनी अटक केली आहे. तिच्याकडून सर्व दागिने जप्त करण्यात आले आहे. तिच्या विरोधात भादंसं 380 कलमाखाली गुन्हा नोंद केला आहे. याबाबत घरमालकीण मारया बार्रेटो यांनी तक्रार दाखल केली होती. पोलिसांनी दिलेल्या माहितीनुसार, संशयित महिलेचे नाव कोमल उल्हास गावडे असे असून ती कुंडई येथे राहते. तक्रारदार मारया बार्रेटो ही बँकेत नोकरी करीत असून तिने संशयित महिलेला आपल्या घरी घरकामासाठी ठेवली होती. कित्येक दिवस काम करीत असल्याने संशयित महिलेवर घरमालकीणीचा विश्वास बसला होता. मालकीण कामावर गेल्यानंतर संशयित महिला एकटीच घरात असायची. याच दरम्यान संशयित महिलेने घरातील विविध प्रकारचे सोन्याचे दागिने लंपास केले. तक्रारदार महिलेने सोन्याचे दागिने पहाण्यासाठी कबर्ड उघडले असता त्यातील दागिने गायब झाल्याचे तिच्या लक्षात आले. तिने संशयित महिलेला दागिन्याबाबत विचारले असता तिने आपल्याला काही माहित नसल्याचे सांगून हात वर केले होते. तक्रार दाखल केल्यानंतर पोलासंनी संशयित महिलेला ताब्यात घेतले आणि तिची कसून उलट तपासणी केली असता तिने चोरी केल्याचे कबूल केले. पणजी पोलीस स्थानकाचे उपनिरीक्षक मयुर पणशीकर पुढील तपास करीत आहेत.