स्वत:च्या दमदार अभिनयासाठी ओळखला जाणारा रणदीप हुड्डा सध्या स्वातंत्र्यवीर सावरकरांवर आधारित चित्रपटासाठी चर्चेत आहे. या चित्रपटात तो स्वातंत्र्यवीर सावरकरांची भूमिका साकारत आहे. तर याचबरोबर रणदीप ‘सार्जंट’ या चित्रपटातून प्रेक्षकांच्या भेटीला येणार आहे. रणदीपचा या सस्पेन्स कॉप-ड्रामा चित्रपटाचा ट्रेलर प्रदर्शित करण्यात आला आहे. रणदीपने यात सार्जंट निखिल शर्मा ही भूमिका साकारली आहे. एका युवतीच्या मृत्यूचे रहस्य उलगडण्याचा प्रयत्न करणाऱ्या ब्रिटिश पोलिसाची ही भूमिका आहे. या चित्रपटाचा ट्रेलर पाहता यात प्रेक्षकांना अॅक्शन, सस्पेन्स दिसून येणार आहे. चित्रपटाच्या ट्रेलरला प्रेक्षकांचा मोठा प्रतिसाद मिळत आहे. प्रवाल रमण यांच्याकडून दिग्दर्शित ‘सार्जंट’ हा एक सस्पेन्स कॉप-ड्रामा चित्रपट असून यात रणदीप मुख्य भूमिकेत आहे. रणदीपसोबत चित्रपटात अरुण गोविल, आदिल हुसैन आणि सपना पब्बी हे कलाकार दिसून येणार आहेत. हा चित्रपट 30 जून रोजी जियो सिनेमा या ओटीटी प्लॅटफॉर्मवर प्रदर्शित होणार आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
