अंधेरी : फक्त औपचारिकता राहीलेल्या अंधेरी पोटनिवडणुकित ठाकरे गटाच्या ऋतुजा लटके यांचा विजय झाला आहे. मतमोजणीच्या 19 व्या फेरीनंतर ऋतुजा लटके यांना 61056 मते मिळाली. या निवडणुकित नोटाला मिळलेली मते हा चर्चेचा विषय ठरला असून दुसऱ्या क्रमांकाची एकुण 12160 मते नोटाला मिळाली आहेत. आज सकाळी 8 वाजल्या पासून मतमोजणीला सुरवात झाली.
राज्यासह संपुर्ण देशात चर्चेचा विषय ठरलेल्या अंधेरी पोटनिवडणुकि सगळ्यांचे लक्षल लागले होते. शिवसेना फुटीनंतर ही पहीलीच पोटनिवडणुक असल्याने याला महत्व आले होते. शेवटपर्यंत भाजप आणि ठाकरे गटाशी लढत होईल असे वाटत असताना भाजपने ऐनवेळी माघार घेतली. यामुळे ऋतुजा लटके यांचा विजय सुखकर झाला. सुरवातीपासूनच ऋतुजा लटके यांनी आघाडी घेतली होती. ती 19 व्या फेरीच्या अखेरीपर्यंत रहिली. श्रीमती लटके यांना 19 व्या फेरीत एकुण 61056 मते मिळाली.
निकालानंतर ठाकरे गटाच्या शिवसैनिकांनी एकच जल्लोष केला. या आनंदोत्सवात महिला आघाडीवर होत्या. माध्यमांशी बोलताना ऋतुजा लटके यांनी शिवसेनाप्रमुख उद्धव ठाकरे आणि महाविकास आघाडी यांचे आभार मानले. श्रीमती लटके यांचे वेगवेगळ्या राजकिय पक्षाच्या नेत्यांनी अभिनंदन केले आहे.
Mumbai, Oct 14 (ANI): Shiv Sena (Uddhav Balasaheb Thackeray) candidate for the Andheri Assembly by-elections Rutuja Latke shows a victory sign with the party supporters after filing her nomination papers, in Mumbai on Friday. (ANI Photo)
