श्री महालसा नारायणी विद्यालयाचा ‘माका नाका प्लास्टिक’चा नारा

वाळपई : वेर्णा येथील श्री महालसा नारायणी माध्यमिक विद्यालयाने पाचवीच्या मुलांचा प्रारंभोत्सव पर्यावरणीय संस्कार ऊजवून 5 जून हा जागतिक पर्यावरण दिन साजरा केला. मुलांमध्ये नैतिक संस्कारांचे बीजारोपण करत त्यांच्यावर पर्यावरणीय संस्कार व्हावेत यासाठी  शिक्षकांनी इयत्ता पाचवीत येणाऱ्या विद्यार्थ्यांना कपड्याच्या पिशव्या देऊन ‘माका नाका प्लास्टिक’ या संकल्पनेची मुहुर्तमेढ रोवली. 5 जून हा जागतिक पर्यावरण दिन आणि शाळेचा पहिल्या दिवसाचे औचित्य साधून हा कार्यक्रम सुरू करण्यात आला. यावेळी विद्यालयाच्या ज्येष्ठ शिक्षिका पूनम शेटकर, मयुरी नाईक आणि सावनी दांडेकर यांनी विद्यार्थ्यांचे औक्षण केले तर शिक्षक ओंकार तळावलीकर, मयूर दळवी, दीक्षित नाईक आणि विठ्ठल शेळके यांनी विद्यार्थ्यांना कपड्याच्या पिशव्यांचे वाटप केले. ज्येष्ठ शिक्षिका पूनम शेटकर, शिक्षक विठ्ठल शेळके यांनी मार्गदर्शन केले.