दोन पंचायतींचा रस्ता ग्रामस्थांना खस्ता…!

फोंडा : एखादा रस्ता दोन पंचायतींच्या वेशीतून जात असल्यास तेथील ग्रामस्थांची परिस्थिती दोन घरांच्या पाहुण्यासारखी होते. दामणसरे वाड्याकडे जाणारा रस्ता असाच बेतकी खांडोळा व केरी या दोन पंचायतींमध्ये विभागला आहे. गेली चार वर्षे या रस्त्याची स्थिती अंत्यत खराब असून त्याच्या दुऊस्तीकडे एकही पंचायत लक्ष घालीत नाही. त्यामुळे गावात नियमित ये जा करताना लोकांना खस्ता खाव्या लागत आहेत. बेतकी – खांडोळा पंचायत क्षेत्रातील दामणसरे वाड्यावर जाणारा रस्ता गेल्या चार वर्षांपासून अत्यंत खराब स्थितीत आहे. रस्त्यावरील डांबराचा थर पूर्णपणे उडाल्याने येथून वाहने हाकणे अत्यंत जिकिरीचे बनले आहेत. त्यातच एका अवजड वाहनामुळे रस्त्यावरील साकवाला भेगा पडून तो धोकादायक स्थितीत असल्याचे स्थानिकांनी सांगितले. दामणसरे वाड्यावर साधारण पन्नास लोक व आठ घरांची लोकवस्ती आहे. बेतकी येथील मुख्य रस्त्यापासून लोकवस्तीकडे जाण्यासाठी तिनशे मिटर लांबीचा अंतर्गत रस्ता असून सात वर्षांपूर्वी या रस्त्याचे डांबरीकरण करण्यात आले होते. दुसऱ्याच वर्षी पावसाळ्यात हा रस्ता उखडला गेला व गेल्या चार वर्षांपासून त्याची चाळण झाली आहे. सध्या या रस्त्यावऊन चारचाकी व दुचाकी वाहने नेताना ग्रामस्थांना कसरत करावी लागत आहे. पावसाळ्यात तर परिस्थिती अधिकच बिकट असते. बऱ्याचवेळा अपघात होऊन दुचाकीचालक जखमीही झाल्याचे स्थानिकांनी सांगितले. वाड्यावरील एखादी व्यक्ती आजारी पडल्यास आपत्कालीन वेळी ऊग्णवाहिका नेतना मोठीच अडचण होते. गर्भवती महिलांना दवाखान्यात जायचे झाल्याच धक्के खावे लागतात. ग्रामस्थांनी या रस्त्यासाठी स्थानिक आमदार व पंचायतीकडे बऱ्याचवेळा पाठपुरावा केलेला आहे. पंचायतीकडून रस्त्याची पाहणीही करण्यात आली आहे. मात्र अद्याप त्याकडे कुणीही लक्ष घातलेले नाही. यंदा पावसापूर्वी रस्त्याचे डांबरीकरण न झाल्यास परिस्थिती अधिकच अवघड बनणार आहे.