रत्नागिरी प्रतिनिधी
14 एप्रिल 2023 रोजी सकाळी 6. ते रात्री १२ वाजता या कालावधीत शासकीय रुग्णालय ते जयस्तंभ या मार्गाने एस.टी. स्टँड रत्नागिरी कडे जाणारी वाहतुक जेल रोड, गोगटे कॉलेज, स्टेट बँक मार्गे जयस्तंभ व तेथून एस.टी.स्टँड या पर्यायी मार्गाने वळवण्याबाबतचे आदेश अपर जिल्हादंडाधिकारी रत्नागिरी यांनी जारी केले आहेत.
डॉ. बाबासाहेब आंबेडकर जयंती निमित्त बौध्दजन पंचायत समिती रत्नागिरी च्या वतीने डॉ. बाबासाहेब आंबेडकर पुतळा, शासकीय रुग्णालय, रत्नागिरी येथे हजारो अनुयायी डॉ. बाबासाहेब आंबेडकर यांना मानवंदना देण्याकरीता मोठया प्रमाणात एकत्र जमा होतात. या ठिकाणी विविध कार्यक्रम होणार असून मोठया प्रमाणात गर्दी होण्याची शक्यता आहे. हा कार्यक्रम डॉ. बाबासाहेब आंबेडकर पुतळा, शासकीय रुग्णालय रत्नागिरी येथे होणार असून तेथील रस्त्यावरील वाहतुक दोन्ही बाजुने सुरु ठेवल्यास अपघात घडुन त्याद्वारे अनुचित प्रकार घडण्याची शक्यता आहे. तरी वरील ठिकाणी मोठया प्रमाणात गर्दी होऊन कोणताही अनुचित प्रकार घडु नये यासाठी अपर जिल्हादंडाधिकारी, रत्नागिरी यांना मोटार वाहन अधिनियम 1988 चे कलम 115 नुसार प्राप्त अधिकारान्वये पुढीलप्रमाणे आदेशीत केले आहे.
