मागणीमुळे स्टीलची चमक वाढणार

नवी दिल्ली :  चीनमधील स्टीलच्या वाढत्या किमती आणि जागतिक स्तरावर लोहखनिजाच्या किमती वाढल्याने भारतीय लोहखनिज आणि पोलाद क्षेत्रात बदल होण्याचे संकेत निर्माण झाले आहेत. यामध्ये चिन सरकार अनेक धोरणे आणू शकते. ज्यामुळे औद्योगिक धातूंच्या मागणीला प्रोत्साहन मिळणार असल्याचे भाकीतही करण्यात येत आहे. केंद्रीय अर्थसंकल्पात पायाभूत सुविधा आणि बांधकामांवर भर देण्यात आल्याने आणि ऑटो आणि रिअल इस्टेट क्षेत्रातील सुधारणांच्या चिन्हांमुळे 2023-24 मध्ये देशांतर्गत स्टीलची मागणी मजबूत राहण्याची अपेक्षा अधिकपणे व्यक्त केली जात आहे. तथापि, संकेत संमिश्र आहेत, कारण स्वस्त आयातीतून वाढलेल्या स्पर्धेमुळे घरगुती हॉट-रोल्ड कॉइलच्या किमती घसरल्या आहेत. चीनबद्दलच्या वाढत्या उत्साहामुळे टाटा स्टील, जिंदाल स्टील अँड पॉवर लिमिटेड, जेएसडब्लू स्टील, एनएमडीसी आणि सेलमधील गुंतवणूकदारांनी रस दाखवला आहे. जेएसपीएल हा अनेक विश्लेषकांचा आवडता स्टॉक आहे.