बेळगाव : सोमवार पेठ, टिळकवाडी येथील ठकळवाडी हायस्कूल समोरील लोखंडी कमान रविवारी सकाळी कोसळली. अज्ञात अवजड वाहनाने या कमानीला धडक दिल्याने ती कोसळली. परंतु कोसळलेल्या कमानीखालूनच वाहतूक सुरू असल्याने धोका निर्माण झाला होता. टिकळवाडी येथे अनेक शाळा आहेत. त्यामुळे विद्यार्थ्यांनी नेहमीच ये-जा असते. विद्यार्थ्यांना धोका निर्माण होवू नये यासाठी लोखंडी कमान बसविण्यात आली होती. यामुळे अवजड वाहने या मार्गाने येत नव्हती. काही वर्षांपूर्वी एका ट्रकने धडक दिल्याने कमान वाकली होती. रविवारी अज्ञात वाहनाने पुन्हा धडक दिल्याने कमानीचा एक लोखंडी खांब खाली कोसळला. या ठिकाणाहून वाहतूक करणे धोकादायक असले तरीही वाहन चालक ये- जा करीत होते. त्यामुळे दुपारनंर त्या ठिकाणी वाहतूक पोलिसाची नेमणूक करण्यात आली.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
