ट्रेलर पाहून अंगावर येतो शहारा
विलिम फ्रीडकिन दिग्दर्शित अन् 1973 मध्ये प्रदर्शित चित्रपट ‘द एक्सोरसिस्ट’ला जगातील सर्वात भीतीदायक चित्रपट मानले जाते. या हॉलिवूड चित्रपटात एका मुलीच्या शरीरात आत्मा शिरल्याचे दाखविण्यात आले होते. आता 50 वर्षांनी याचा फॉलोअप चित्रपट ‘एक्सोरसिस्ट : बिलिव्हर’ प्रदर्शित होत असून याचा ट्रेलर जारी करण्यात आला आहे. द एक्सोरसिस्ट हा चित्रपट विलियम पीटर ब्लॅटी यांची 1971 मधील कादंबरी ‘एक्सोरसिस्ट’वर आधारित होता. या चित्रपटाने जगभरातील प्रेक्षकांना हादरवून सोडले होते. आत्म्यापासून स्वत:च्या मुलीला तिची आई दोन पाद्रींच्या मदतीने वाचवत असल्याचे चित्रपटात दाखविण्यात आले होते. द एक्सोरसिस्ट : बिलिव्हर’चे दिग्दर्शन डेव्हिड गॉर्डन ग्रीन यांनी केले आहे. ग्रीन यांना हॅलोवीन सीरिजसाठी ओळखले जातात. ट्रेलरमध्ये एक पिता स्वत:च्या मुलीला शाळेत जोडण्यासाठी जात असल्याचे आणि तेथून ती मुलगी आणि तिची मैत्रीण बेपत्ता होत असल्याचे दाखविण्यात आले आहे. या दोघींना जंगलात शोधून काढल्यावर त्यांच्यात झालेला बदल मोठ्या पडद्यावर पाहणे थरारक असणार आहे. या चित्रपटात लेस्ली ओडोम ज्युनियर, एन डाउड, लिड्या ज्वेट, ओलिविया मार्कम, राफेल सर्बगे, जेनिफर नेटल्स आणि ओक्वुई ओकपोकवासिली हे कलाकार दिसून येतील.
