खोर्ली म्हापसा येथे अहोळात मृतदेह सापडला

म्हापसा : खोर्ली म्हापसा येथे नवतारा हॉटेल नजिक असलेल्या अहोळात एका 40 ते 45 वर्षीय अज्ञात इसमाचा मृतदेह दोरीला बांधलेल्या अवस्थेत आढळून आला. विशेष म्हणजे तीक्ष्ण हत्dयाराने मारल्याच्या खूणा आढळून आल्या आहेत. म्हापसा पोलीस उपनिरिक्षक वीराज कोरगांवकर व हवालदार सुशांत चोपडेकर यानी घटनेचा पंचनामा कऊन मृतदेह शवचिकित्सासाठी गोमेकॉत पाठवून दिला आहे. शवचिकित्सा अहवालानंतर मृत्यूचे खरे कारण स्पष्ट होणार आहे. याबाबत पोलीस सुत्रांकडून मिळालेल्या माहितीनुसार संध्या. 4 वा.च्या दरम्यान कुणी त्या ठिकाणी झाडीत गेले असता अहोळात मृतदेह असल्याची माहिती त्वरित म्हापसा पोलिसांना दाली. मृतदेहाची बातमी वाऱ्यासारखी सर्वत्र पसरल्यावर त्याठिकाणी गर्दी केली. उपनिरीक्षक विराज कोरगांवकर हवालदार सुशांत चोपडेकर आदी पोलीस पथकानी घटनास्थळी धाव घेवून पाहणी केली. घटनेचा रितसर पंचनामा कऊन मृतदेह शवचिकित्सेसाठी पाठविण्यात आला. मृतदेह नेण्यासाठी असलेली हर्स व्हॅनचा चालक नसल्याने पोलीसानी घटनेची माहिती 108 ला दिली. मात्र तेथे आल्यावर त्यांना मृतदेह गाडीतून नेण्यास नकार दिल्यावर खासगी शवचिकित्सा व्हॅन बोलावून मृतदेह नेण्यात आला.