सावंतवाडी/प्रतिनिधी-
सावंतवाडी तालुका पत्रकार संघातर्फे पत्रकारांच्या गुणवंत मुलांचा सत्कार सोहळा रविवार 17 जुलै रोजी आर पी डी हायस्कुल सभागृह येथे आयोजित करण्यात आला आहे दहावी, बारावी, शिष्यवृत्ती, पदवी, उच्च पदवी, व अन्य विविध स्पर्धा परीक्षेत व विविध क्षेत्रात उल्लेखनीय यश प्राप्त केलेल्या पत्रकारांच्या मुलांना भेटवस्तू देऊन सन्मानित करण्यात येणार आहे. सदर गुणवंत विदयार्थ्यांची नावे 13 जुलै पूर्वी रामचंद्र कुडाळकर -9763717761 व मोहन जाधव-9423880153 यांच्या कडे नोंदवावीत. या कार्यक्रमाचे औचित्य साधून जिल्हा पत्रकार संघावर निवड झालेल्या पदाधिकाऱ्यांचाही सत्कार करण्यात येणार आहे. यावेळी नामदार भाईसाहेब सावंत प्रतिष्ठान चे कार्यकारी अधिकारी विक्रांत सावंत व भोसले नाँलेजसिटीचे कार्यकारी संचालक अच्युत सावंत -भोसले हे विद्यार्थ्यांना दहावी / बारावी नंतर पुढे काय? या विषयावर मार्गदर्शन करणार आहेत. तालुक्यातील सर्व प्रिंट व सोशल मिडिया पत्रकारांनी पाल्यांच्या कौतुक सोहळ्याला उपस्थित रहावे, असे आवाहन सावंतवाडी तालुका पत्रकार संघाचे अध्यक्ष प्रवीण मांजरेकर, सचिव प्रसन्न राणे, खजिनदार रामचंद्र कुडाळकर, सर्व पदाधिकारी व सदस्यांनी केले आहे.
