चिमुकल्यांना फुगे वाटून मुख्यमंत्र्यांनी अनुभवला आनंद

सांखळी : सांखळी वेळगे ऊमड येथील श्री ब्रह्मदेव देवस्थानच्या सहाव्या वर्धापनदिन निमित्ताने मुख्यमंत्री डॉ.प्रमोद सावंत यांनी उपस्थित राहून देवदर्शन घेतले. यावेळी त्यांनी फुगे खरेदी करून उपस्थित चिमुकल्यांना मुलांना फुगे देऊन त्यांच्यासोबत आनंद अनुभवला.यावेळी जि. पं. सदस्य गोपाळ सुर्लकर, सरपंच सामंता कामत, पंच सर्वेश मुळगावकर आदींसह इतरांची उपस्थिती होती.कालोउत्सव, नाटक, इत्यादी कार्यक्रमात राज्यात विविध ठिकाणी खेळण्यांचा स्टॉल लावणारे बाये सुर्ला येथील ज्येष्ठ नागरिक दत्ता पेडणेकर यांच्याकडून मुख्यमंत्री डॉ. प्रमोद सावंत यांनी फुगे घेतले. व मुलांना वाटले. नेहमी सर्वसामान्य लोक येऊन खरेदी करतात. मात्र मुख्यमंत्री डॉ सावंत हे येऊन खरेदी करतात. हा क्षण आपल्यासाठी आनंद देणारा होता, अशी प्रतिक्रिया त्यांनी व्यक्त केली.