दुसऱया महायुद्धानंतरचा सर्वात मोठा संघर्ष

युक्रेन आणि रशिया युद्ध हा युरोपियन भूमीवरचा दुसऱया महायुद्धानंतरचा सर्वात मोठा सशस्त्र संघर्ष म्हणून ओळखला जात आहे. 1945 मध्ये दुसऱया महायुद्धाचा अंत झाला. त्यानंतर युरोपने जाणीवपूर्वक मोठय़ा युद्धाचे प्रसंग टाळले आहेत. मध्यपूर्वेतील इराण-इराक युद्ध हा दुसऱया महायुद्धानंतरचा जगातील सर्वात मोठा सशस्त्र संघर्ष मानला जातो. तो तब्बल 15 वर्षे चालला होता. मात्र युपेन आणि रशिया हे युद्ध युरोपाच्या भूमीवर खेळले जात असलेले दुसऱया महायुद्धानंतरचे सर्वात मोठे युद्ध ठरले आहे. दुसरे महायुद्ध सहा वर्षे चालले. त्यात विविध देशांच्या सैनिकांसह किमान 6 कोटी लोकांचा मृत्यू झाला. अगणित संपत्तीचा नाश झाला. त्या तुलनेत युक्रेन-रशिया युद्धातील हानी अत्यल्प आणि नगण्य आहे. मात्र, या युद्धामुळे युरोपच्या शांतता प्रयत्नांना गालबोट लागले ही वस्तुस्थिती आहे. हे युद्ध केव्हा थांबणार हे स्पष्ट होत नाही. ते कदाचित पुढच्या वर्षीपर्यंतही चालू राहू शकेल. त्यामुळे जगाने आता हे गृहित धरुन आपली योजना करावी, असाही सल्ला अनेक तज्ञांनी विविध देशांच्या प्रशासनाना दिला आहे.