कुंकळ्ळी : गावठण, वेरोडा-कुंकळळी येथील आकुशेट घरण्याचा श्री गणेशोत्सव यंदा सात दिवस साजरा करण्यात येत असून अनेक वर्षांपासून या कुटुंबातील सात परिवार एकत्र येऊन हा उत्सव साजरा करत आहे. या परिवारांतील प्रेमनाथ देसाई, लक्ष्मण झुलो देसाई, प्रशांत गोविंद देसाई, संतोष सदा देसाई, सुशांत नारायण देसाई, उल्हास भिकू देसाई यांच्या पुढाकाराने ही परंपरा अजूनही चालू आहे. नोकरी, व्यवसायानिमित्त गोव्यात विविध ठिकाणी राहणारे सात परिवारांतील सुमारे 80 कुटुंबीय चतुर्थीनिमित्त गावात एकत्र जमतात. यंदा उत्सवाचे यजमानपद दर्शन प्रेमनाथ देसाई यांना प्राप्त झालेले आहे. रोज दुपारी आरत्या व 1 वा. महाप्रसाद यांच्या जोडीला या उत्सवाच्या अंतर्गत रोज करमणुकीचे कार्यक्रम आयोजित केले जातात. या उत्सवात रविवारी दुपारी 1.30 वा. महाप्रसाद व रात्री 8 वा. घुमट आरती स्पर्धा होईल. हा उत्सव व त्यातील कार्यक्रम यशस्वी करण्यासाठी दामोदर देसाई, भूपेंद्र देसाई, दौलत देसाई, भावेश देसाई व इतर कार्यरत आहेत..
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
