ऑनलाईन टीम / तरुण भारत :
दक्षिण काश्मीरमधील पुलवामा जिल्ह्यात दहशतवाद्यांनी पोलीस आणि सीआरपीएफच्या संयुक्त चेकपोस्टवर हल्ला केला. या हल्ल्यात सीआरपीएफचे ASI शहीद झाले.
मिळालेल्या माहितीनुसार, पुलवामा जिल्ह्यातील संयुक्त चेकपोस्टवर आज दुपारी पोलीस आणि सीआरपीएफ जवान गाडय़ांची चेकींग करत होते. या दरम्यान अचानक दहशतवाद्यांनी पोलीस आणि सीआरपीएफ जवानांवर गोळीबार केला. या गोळीबारात सीआरपीएफचे एएसआय जखमी झाले. त्यांना तात्काळ लष्करी रुग्णालयात दाखल करण्यात आले. पण उपचारादरम्यान त्यांचा मृत्यू झाला. या दरम्यान दहशतवाद्यांच्या गोळीबाराला जवानांकडून प्रत्युत्तर दिलं जात होतं. पोलीस आणि सैन्याने परिस्थिती नियंत्रणात आणण्याचा प्रयत्न केला.
घटनेची माहिती मिळताच पोलीस आणि सुरक्षा दलाचे इतर पथक घटनास्थळी पोहोचले. पथकांनी आजूबाजूच्या परिसराची नाकेबंदी केली असून, शोधमोहिम सुरू आहे.
हेही वाचा : खरंच ठाकरे-शिंदे एकत्र येणार?; संजय राऊत म्हणाले…
