नवी दिल्ली : इस्तंबुल येथून नवी दिल्लीच्या दिशेने येणाऱ्या इंडिगोच्या एका विमानात तांत्रिक बिघाड झाला आहे. यामुळे विमानाला निर्धारित वेळेत उड्डाण करता आले नाही. तर तांत्रिक तपासणीनंतर विमानाला रवाना करण्यात आल्याची माहिती इंडिगोकडून देण्यात आली. संबंधित विमानातून 200 हून अधिक जण प्रवास करणार होते, ज्यात वृद्ध आणि लहान मुलांचाही समावेश होता. या प्रवाशांना 10 तासांपेक्षा अधिक काळापर्यंत इस्तंबुल विमानतळावर बसून रहावे लागले होते. इंडिगोचे विमान तांत्रिक बिघाडामुळे उड्डाण करू न शकल्याने प्रवाशांना फटका बसला आहे. संबंधित प्रवाशांना विमानतळावरील प्रतीक्षा कालावधी कमी करण्यासाठी सुविधा पुरविण्यात आल्याचा दावा इंडिगोकडून करण्यात आला.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
