टाटा अल्ट्रोझ सीएनजी कारचा ‘माणिकबाग’तर्फे विक्री शुभारंभ

बेळगाव : उद्यमबाग येथील माणिकबाग ऑटोमोबाईल्स शोरुम येथे टाटा अल्ट्रोझ सीएनजी या नव्या कारचा शुभारंभ करण्यात आला. टाटा मोटर्स व माणिकबाग ऑटोमोबाईल्सने सीएनजी व्हेरियंटमध्ये टाटा अल्ट्रोझ उपलब्ध करून दिली आहे. ग्राहकांचा विचार करून अत्याधुनिक सुविधा या कारमध्ये समाविष्ट करण्यात आल्या असल्याने ही कार ग्राहकांच्या पसंतीस उतरेल, असा विश्वास माणिकबाग ऑटोमोबाईल्सकडून व्यक्त करण्यात आला. या कार्यक्रमाला मेगा गॅस कंपनीचे प्रमुख सुशांत जीवनगौडर, उद्यमबाग येथील स्टेट बँक ऑफ इंडियाचे मुख्य व्यवस्थापक स्मर्णिका दास, माणिकबागचे संचालक रमेश शहा, भूषण मिरजी, शील मिरजी, स्वप्नील शहा, व्यवस्थापकीय संचालक सुधाकर प्रभू, शैलेश खटावकर यासह इतर उपस्थित होते.