खानापूर : ताराराणी पदवीपूर्व महाविद्यालयाच्या संघाची राज्यस्तरीय स्पर्धेसाठी निवड झाली आहे. खासकरून कॉलेजची खेळाडू आरती तोरगल, सोनाली धबाले, साधना होसूरकर या कबड्डी खेळाडूंनी अंगभूत कौशल्यावर भर देत, अव्वल कॅचींग, चढाईची रेडींग व जबरदस्त कव्हर मारत आपले स्थान बेळगाव जिल्हा संघात भक्कम केले होते. सदर खेळाडू विद्यार्थिनी आजपासून राज्यस्तरीय कबड्डी स्पर्धा चिकोडी येथे होणार आहेत. या स्पर्धेत बेळगाव जिल्हा कबड्डी संघाचे नेतृत्व ताराराणी महाविद्यालयाच्या विद्यार्थिनी करणार आहेत. यासाठी सर्व कबड्डीपट्टू चिकोडीला रवाना झाल्या आहेत. या कबड्डी खेळाडू विद्यार्थिनींना मराठा मंडळ शिक्षण संस्थेच्या अध्यक्षा राजश्री हलगेकर यांनी दूरध्वनीद्वारे शुभेच्छा दिल्या आहेत. या विद्यार्थिनींना कबड्डी कोच भरमाजी पाटील यांचे मार्गदर्शन लाभत आहे. प्राचार्य अरविंद पाटील, प्रा. टी. आर. जाधव, क्रीडा विभाग प्रमुख मंगल देसाई, प्राचार्या शरयू कदम, शामल पाटील, प्रमिला राव यांनी विद्यार्थिनींना शुभेच्छा दिल्या.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
