तालुकास्तरीय दसरा क्रीडा स्पर्धांना प्रारंभ

बेळगाव : कर्नाटक राज्य युवजन क्रीडा खाते व युवा सबलीकरण यांच्या संयुक्त विद्यमाने बेळगाव युवजन क्रीडा खात्यातर्फे बेळगाव तालुकास्तरीय क्रीडा स्पर्धांना मोठ्या उत्साहात प्रारंभ झाला. जिल्हा क्रीडागंणावर आयोजित या स्पर्धेच्या उद्घाटनप्रसंगी प्रमुख पाहूणे म्हणून उत्तरचे आमदार राजू सेठ, युवजन क्रीडाधिकारी बी. श्रीनिवास, अॅथलेटिक प्रशिक्षक ए. बी. शिंत्रे, एल. बी. नाईक, व्ही. एस. पाटील, बसवराज होसमठ, नागराज एन., हणमंत पाटील, संजीव नाईक, जी.एन. पाटील, सदानंद मालशेट्टी आदी उपस्थित होते. प्रारंभी राजु शेठ यांच्याहस्ते क्रीडा ध्वजारोहण करण्यात आले. पाहुण्यांचे स्वागत क्रीडाधिकारी बी. श्रीनिवासन यांनी केले. हवेत रंगीबेरंगी फुगे सोडून स्पर्धेचे उद्घाटन करण्यात आले. यावेळी जी. एन. पाटील, हर्षवर्धन शिंगाडे, शंकर कोलकार, मधुकर देसाई, शांतु पाटील आदी विविध शाळेतील क्रीडा शिक्षक मोठ्या संख्येने उपस्थित होते. या स्पर्धेत अॅथलेटिक, व्हॉलीबॉल, थ्रोबॉल, फुटबॉल, कब्बडी, खो-खो आदी संघाकी खेळांचा समावेश होता. दोन दिवस चालणाऱ्या या स्पर्धेत पहिल्या दिवशी व्हॉलीबॉलमध्ये डीवायईएस, वंटगुडी, थ्रोबॉलमध्ये, बेळगाव वॉरियर्स, मच्छे वॉरियर्स, मुलींच्या गटात डीवायईएस, वनिता विद्यालय संघानी अंतिम फेरीत प्रवेश मिळविला.