बेळगाव : सौंदत्ती तालुक्यातील हुलीकट्टी येथील सरकारी शाळेचे मुख्याध्यापक मुस्लीम समाजाचे असल्याने त्यांची बदली करण्याच्या उद्देशाने शाळेतील मुलांच्या पिण्याच्या पाण्याच्या टाकीत तिघाजणांकडून विष मिसळण्यात आले होते. या घटनेतून विद्यार्थ्यांच्या जीवाशी खेळण्याचे कृत्य संबंधीतांकडून करण्यात आले. याचा आम्ही निषेध करत असून संबंधीतांवर कठोर कारवाई करण्याची मागणी बेळगाव मुस्लीम समाज संघटनेच्यावतीने करण्यात आली. याबाबतचे निवेदन जिल्हाधिकाऱ्यांना देण्यात आले. हुलकट्टीची घटना मानवजातीला काळिमा फासणारी असून मुख्याध्यापकाची बदली करण्याच्या मागणीसाठी केलेले हे कृत्य समाजात तेढ निर्माण करण्यासारखे आहे. या शाळेत सुमारे 41 मुले शिकत असून समाजकंटकांनी पिण्याच्या पाण्याच्या टाकीत विष मिसळून विद्यार्थ्यांच्या जीवाशी खेळ खेळण्यासारखे आहे. यामुळे संबंधीतांवर राज्य सरकारने कठोर कारवाई करावी, अशी मागणी करण्यात आली. यावेळी सोहेल संगोळ्ळी, कलीमअल्ला मुल्ला, शाहीद पठाण, सलीम पठाण, इकबाल जकाती, अफझल पठाण यांच्यासह पदाधिकारी उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
