निमंत्रितांच्या जलतरण स्पर्धेत स्वीमर्स क्लब चॅम्पियन्स ऑफ चॅम्पियन्स

बेळगाव : स्वीमर्स व अॅक्वारेस क्लब आयोजित सी. एम. डी. डेव्हलपर्स व बी.एस.सी. मॉल पुरस्कृत निमंत्रितांच्या आंतरराज्य जलतरण स्पर्धेत स्वीमर्स क्लबने 553 गुणांसह सर्वसाधारण विजेतेपद पटकाविले. जेएनएमसीच्या सुवर्ण जलतरण तलावात घेण्यात आलेल्या या स्पर्धेत जवळपास 450 हून अधिक स्पर्धकांनी भाग घेतला होता. या स्पर्धेत स्वीमर्स व अॅक्वारेस क्लबच्या खेळाडूंनी भाग घेऊन यश संपादन केले. त्यामध्ये गट एकमध्ये मुलांच्या विभागात सुनिधी हलकारेने 19 गुण पटकाविले. गट दोनमध्ये मुलांच्या विभागात ब्ल्यू वॉटर अकादमीच्या अर्जुन नाईकने 17 गुण, याच गटात मुलींमध्ये स्वीमर्सच्या समृद्धी हलकारेने 25 गुण गट तीनमध्ये मुलांमध्ये स्वीमर्सच्या वेदांत मिसाळेने 21 गुण, याच गटात मुलींमध्ये पीएम जलतरण सेंटरच्या वाधवा आर. मान्यने 21 गुण, गट चारमध्ये मुलांमध्ये डेक्कन जिमखाना पुणेच्या मोहित शांतोने 19 गुण, मुलींच्या विभागात डेक्कन पुण्याच्या लावण्या करडेने 20 गुण, गट 5 मध्ये आबा क्लबच्या आद्धवेध जोशीने 11 गुण, पुण्याच्या तनिष्काने 20 गुण गट सहामध्ये मुलांमध्ये डेक्कन पुण्याच्या निमेश करडेने 16 गुण तर मुलींमध्ये स्वीमर्सच्या जेनू हुंड्याकट्टीने 18 गुण मिळवित वरील सर्व खेळाडूंनी आपापल्या गटात वैयक्तिक विजेतेपद पटकाविले. स्पर्धेनंतर प्रमुख पाहुणे जी. एस. बेलकेरी, रमेश जंगल, राघवेंद्र आणवेकर, राजेश शिंदे, उमेश कलघटगी, सुधीर कुसाणे व इंद्रजीत हलगेकर आदी मान्यवरांच्या हस्ते विजेत्यांना पदके, प्रमाणपत्र देऊन गौरविण्यात आले. तर सर्वसामधारण विजेत्या पटकावलेल्या संघांना चषक व प्रमाणपत्र देऊन गौरविले.