स्विमर्स, एक्वेरियस क्लबचे सुयश

बेळगाव : गोव्यातील  मडगाव येथे झालेल्या तिसऱ्या अॅनिवल एफएफएल निमंत्रितांच्या आंतरराज्य जलतरण स्पर्धेत बेळगावच्या स्विमर्स व एक्वेरियस जलतरण क्लबच्या खेळाडूंनी 1 सुवर्ण, 7 रौप्य, व 2 कांस्यपदकासह 10 पदकांची कमाई केली. भगतसिंग आवडेने आपल्या गटात वैयक्तिक विजेतेपद पटकावले. मडगाव येथे सद्दा जलतरण तलावात घेण्यात आलेल्या निमंत्रितांच्या आंतरराज्य जलतरण स्पर्धेत बेळगावच्या स्विमर्स व एक्वेरियस क्लबच्या जलतरणपटूंनी भाग घेतला होता. त्यामध्ये दर्शिका निट्टूरकरने एक सुवर्ण दोन रोप्य एक कास्यपदक पटकावले. तिने 50 मी. बॅकस्टोक सुवर्ण, 50 मी. फ्रीस्टाईल, 50 मी. बटरफ्लाय मध्ये रौप्य, तर 50 मी. बेस्टस्ट्रोक मध्ये कांस्यपदक पटकाविले. भगतसिंग गावडेने 5 रौप्य, एक कास्य, पदकासह आपल्या गटात वैयक्तिक विजेतेपद पटकावले. त्याने 50 व 100 मी. फ्रीस्टाईल प्रकारात 2 रौप्य, 50 मी. बॅकस्ट्रोक, 50 व 100 मी. बटरफ्लाय यामध्ये 3 रेप्य, 200 मी. वैयक्तिक मिडले व 50 मी. फ्रीस्टाईल मध्ये 2 कांस्यपदक पटकाविले. या दोघांना जलतरण प्रशिक्षक उमेश कलघटगी, अक्षय शेरेगार, अजिंक्मय मेंडके, नितीश कुडुचकर, गोवर्धन काकमतीकर, इम्रान उजगावकर व विनायक आंबेवाडीकर यांचे बहुमूल्य मार्गदर्शन लाभत आहे.