राष्ट्रीय जलतरण स्पर्धेसाठी स्वरूप, आरोही यांची निवड

बेळगाव : बेंगळूर येथे कर्नाटक राज्य जलतरण संघटना आयोजित ज्यूनियर व सब ज्युनिअर जलतरण स्पर्धेत बेळगावच्या आबा व हिंद स्पोर्ट्स क्लबच्या जलतरणपटूंनी उत्कृष्ट कामगिरी करीत घवघवीत यश संपादन केले आहे. बसवनगुडी जलतरण तलावात झालेल्या या स्पर्धेत बेळगावच्या जलतरणपटूंनी सहभाग घेतला होता. या स्पर्धेत बेळगावमधून स्वरूप धनुचेने गट एक मध्ये 50 मी. बॅकस्ट्रोक मध्ये सुवर्णपदक, आरोही चित्रगारने गट तीन मध्ये 100 व 200 मी. बटरफ्लॉय मध्ये रौप्य पदक, तनुज सिंग गट एक मध्ये 50  मी. ब्र्रेस्ट स्ट्रोक मध्ये कांस्यपदक, दिशा होंडीने गट दोनमध्ये 50 व 100 मी. फ्रीस्टाईल  दोन रौप्य पदक, निधी मुचंडी गट तीन  200 मी. बॅकस्ट्रोक मध्ये रौप्य पदक व 100 मी. बॅकस्ट्रोक कांस्य पदक, वेदा खानोलकर गट एक 50 मी. बटरफ्लॉय मध्ये चौथा क्रमांक यांनी विशेष कामगिरी केली. स्वरूप धनुचे, व आरोही चित्रगार यांची ऑगस्ट महिन्यात अहमदाबाद येथे ज्युनिअर व बेंगळूर येथे सब ज्युनिअर राष्ट्रीय जलतरण स्पर्धेसाठी कर्नाटक राज्य संघात अभिनंदन निवड झाली आहे. वरील सर्व जलतरणपटूंना आबा व हिंद स्पोर्ट्स क्लबचे एनआयएस प्रशिक्षक विश्वास पवार, अमित जाधव, रणजीत पाटील, सतीश धनुचे यांचे बहुमोल मार्गदर्शन तसेच क्लबचे अध्यक्ष शितल हुलभत्ते, अरविंद संगोळी यांचे प्रोत्साहन लाभते.