१३ जानेवारी रोजी आयोजन ; ग्रुप डान्स सह मॉम अँड चाईल्ड स्पर्धा
प्रतिनिधी
बांदा
कोरोना नंतर चार वर्षाच्या प्रदीर्घ विश्रांतीनंतर क्रिएटिव्ह सखी ग्रुप बांदातर्फे आविष्कार तारकांचा हा कार्यक्रम शनिवार दि.13 जानेवारी रोजी आयोजित करण्यात आला आहे.यामध्ये विवाहित महिलांसाठी ‘स्वानंद सुंदरी” हा स्पर्धात्मक कार्यक्रम होणार आहे.महिलांसाठी खुली ग्रुप डान्स स्पर्धा, मॉम्स अँड चाईल्ड स्पर्धा हेही या कार्यक्रमाचे मुख्य आकर्षण राहणार आहे. मंडळाचे दशकपूर्ती वर्ष असल्यामुळे सर्व कार्यक्रम भव्य स्वरुपात करण्याचा मंडळाचा मानस असल्याचे ग्रुपच्या अध्यक्षा अंकिता स्वार, रूपाली शिरसाट व रिया वाळके यांनी पत्रकार परिषदेत सांगितले.बांदा येथील क्रिएटिव्ह सखी ग्रुपतर्फे बांदा व्यापारी भुवन येथील विठ्ठल रखुमाई मंगल कार्यालयात पत्रकार परिषद घेण्यात आली होती .
