नेपाळच्या क्रिकेटपटूवर निलंबनाची कारवाई

काठमांडू : 18 वर्षीय एका युवतीवर केलेल्या बलात्काराच्या प्रकरणात नेपाळचा फिरकी गोलंदाज संदीप लामिछने याला 8 वर्षांची तुरुंगवासाची शिक्षा ठोठावण्यात आली असल्याने नेपाळ क्रिकेट मंडळाने त्याच्यावर निलंबनाची कारवाई केली आहे. काठमांडू जिल्हा सत्र न्यायालयाने बुधवारी या प्रकरणाचा निकाल घोषित करताना आरोपी आणि क्रिकेटपटू संदीप लामिछनेला 8 वर्षांची तुरुंगवासाची शिक्षा ठोठावली आहे. त्याचप्रमाणे 23 वर्षीय संदीपला 3 लाख रुपयांचा दंडही केला आहे. तसेच पीडित युवतीला 2 लाख रुपयांची रक्कम नुकसान भरपाई देण्याचा आदेश खंडपीठाने दिला आहे. आता न्यायालयाच्या या निकालाविरुद्ध संदीप लामिछने वरच्या न्यायालयात दाद मागणार असल्याचे त्याच्या वकिलांनी सांगितले.