बेळगाव : जागतिक सूर्यनमस्कार दिनाचे औचित्य साधून प्रतिवर्षीप्रमाणे यंदाही क्रीडा भारती व पतंजली योग समिती यांच्या विद्यमाने सूर्यनमस्काराचे आयोजन बालिका आदर्श शाळेच्या मैदानावर सकाळी साडेसहा वाजता करण्यात आले. कार्यक्रमाला प्रमुख पाहुणे म्हणून प्रा. आनंद गाडगीळ होते. व्यासपीठावर क्रीडा भारतीचे कर्नाटक राज्य सचिव ए. बी. शिंत्रे, अॅड. सुधीर धामणकर, क्रीडा भारती उत्तर प्रांताचे सहकार्यवाह विश्वास पवार, पतंजली योग समिती बेळगाव प्रमुख किरण मनोळकर व्यासपीठावर होते. कार्यक्रमाची सुऊवात अग्निहोत्राने झाली. भारतमाता प्रतिमा पूजनानंतर दीपप्रज्वलन झाले. क्रीडा भारतीची माहिती सांगून गेल्या पंधरा वर्षापासून क्रीडा भारती व पतंजली योग समितीतर्फे जागतिक सूर्यनमस्काराचे आयोजन बेळगावमध्ये विविध शाळांमधून करण्यात आले आहे. यावेळी क्रीडा भारती कोषाध्यक्ष परशराम मंगनाईक, सी. आर. पाटील, आनंद पाटील, उमेश कुलकर्णी इतर पदाधिकारी उपस्थित होते. कार्यक्रमाचे सूत्रसंचालन उमेश बेळगुंदकर यांनी केले तर आभार प्रदर्शन विश्वास पवार यांनी केले. कार्यक्रमाची सांगता शांती मंत्राने झाली.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
