बेळगाव : राज्यातील परवानाधारक भूमापक अधिकारी वीस वर्षांपासून सातत्याने विविध जिल्ह्यांमध्ये आंदोलन करीत आहेत. राज्य सरकारने नेमून दिलेली सर्व कामे करूनही वेतनामध्ये तफावत ठेवण्यात आली आहे. समान काम समान वेतन असा आदेश असतानाही भूमापकांना वगळण्यात येत असल्याने गुरुवारी कर्नाटक राज्य परवानाधारक भूमापक संघाच्यावतीने सुवर्ण विधानसौधसमोर आंदोलन करण्यात आले. भूमापकांना शासकीय कर्मचारी मानून सर्व जबाबदाऱ्या देण्यात आल्या आहेत. परंतु, त्यांना इतर सुविधा मात्र देण्यात आलेल्या नाहीत. किमान वेतन तसेच सेवासुरक्षा निश्चित करण्यात आलेली नाही. राज्यात सहा हजारहून अधिक परवानाधारक भूमापक कार्यरत आहेत. त्यांना आरोग्य विमा, अपघात विमा, जीवनसुरक्षा यासारख्या कोणत्याही सुविधा उपलब्ध नाहीत. त्यातच सरकारने आणखी एक हजार परवानाधारक भूमापक भरती करण्याची घाई सुरू केली आहे. ही प्रक्रिया त्वरित थांबवावी, अशी मागणी परवानाधारक भूमापकांनी केली. यावेळी बेळगावसह विजापूर, बागलकोट, धारवाड यासह राज्यातील परवानाधारक भूमापक उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
