लायन्स क्लब ऑफ बेळगाव, शहापूरच्या अध्यक्षपदी सुरेश मुरकुंबी

बेळगाव : लायन्स क्लब ऑफ बेळगाव, शहापूरचे नूतन अध्यक्ष म्हणून सुरेश मुरकुंबी, सचिव म्हणून प्रशांत सावंत व खजिनदार म्हणून सुरेश हलगेकर यांची नियुक्ती करण्यात आली आहे. त्यांचा आणि त्यांच्या पदाधिकाऱ्यांचा अधिकारग्रहण समारंभ शनिवार दि. 1 जुलै रोजी रात्री 8 वाजता लायन्स भवन येथे होणार आहे. सुरेश मुरकुंबी हे बीएससी पदवीधर असून फोटोग्राफी क्षेत्रात 40 वर्षांपासून कार्यरत आहेत. 17 वर्षांपासून ते लायन्समध्ये सक्रिय असून लायन्सचे सचिव म्हणूनही त्यांनी काम केले आहे. प्रशांत सावंत हे सिव्हिल इंजिनिअर व आर्किटेक्ट असून लायन्समध्ये 23 वर्षांपासून कार्यरत आहेत. त्यांनी लायन्समध्ये झोन चेअरमन व अन्य पदावर काम केले आहे. सुरेश हलगेकर बीएससी पदवीधर असून टिंबर मर्चंट आहेत. 33 वर्षे ते लायन्समध्ये कार्यरत असून यापूर्वी त्यांनी अध्यक्ष आणि कॅबिनेट सेक्रेटरी म्हणून काम केले आहे. अन्य कार्यकारिणी- मावळते अध्यक्ष अमर अकनोजी, उपाध्यक्ष निरज शहा, परशराम मंगनायक, सहसचिव विलास सावगांवकर, प्रशासक संजीव अध्यापक, समन्वयक श्रीहरी पिसे, मंजुनाथ कलघटकर, रवीन मोदी, के. वाय. बोगार, लायन टेमर गौतम केलमाने, टेल व्टिस्टर नितीश तोशणीवाल.