भाजपचे विठ्ठल हलगेकर यांना नंजिनकोडल गावाचा पाठिंबा

खानापूर : खानापूर विधानसभा मतदार क्षेत्राचे भारतीय जनता पक्षाचे अधिकृत उमेदवार विठ्ठल हलगेकर यांना नंजिनकोडलसह परिसरातील मतदारांचा उत्स्फूर्त पाठिंबा मिळत आहे. नंजिनकोडल गाव पंचाच्यावतीने भाजप उमेदवार हलगेकर यांचे स्वागत करून प्रचारफेरीला प्रारंभ करण्यात आला. गावातील सर्व मतदारांच्या गाठीभेटी घेऊन भाजपला मतदान करण्याचे आवाहन करण्यात आले. य् ाावेळी नंजिनकोडल ग्रामस्थांनी व गाव पंचांनी कोपरा सभा घेऊन विठ्ठल हलगेकर यांना गावचा शंभर टक्के पाठिंबा जाहीर केला आहे. यापूर्वी विठ्ठल हलगेकरांनी नंजिनकोडल गावासाठी कायमच मदतीचा हात दिला असल्याने या निवडणुकीत त्यांच्या पाठीशी राहणे आमचे कर्तव्य असल्याचे ग्रामस्थांनी बोलून दाखविले.