कुस्ती स्पर्धेत सुनील बागेवाडींना रौप्य

बेळगाव : तुमकूर येथे कर्नाटक राज्य सरकारी नोकर संघ बेंगळूर यांच्यावतीने राज्यस्तरीय क्रीडा स्पर्धेत कुस्ती प्रकारात 92 किलो वजनी गटात बेंगळुरच्या मालतेश एन. ने बेळगावच्या सुनील बागेवाडी यांचा पराभव करून विजेतेपद पटकाविले.  तुमकूर येथे कर्नाटक राज्य नोकर संघातर्फे घेण्यात आलेल्या कुस्तीमध्ये 92 किलो वजनी गटात भाग घेत सुनील बागेवाडी यांनी उपांत्यफेरीच्या सामन्यात धारवाडच्या सचिनकुमार याचा चितपट करून अंतिम फेरीत प्रवेश केला. अंतिम फेरीत बेंगळूरच्या मालतेश एन. बरोबर सुनील बागेवाडी यांची कडवी लढत झाली. मात्र मालतेशने सुनील यांचा 7-4 गुणांनी पराभव करून विजेतेपद पटकाविले.  सुनील हे मराठी शाळा खादरवाडी येथे सहशिक्षक असून सध्या मच्छे येथे सीआरपी म्हणून कार्य करत आहेत. त्यांना बेळगाव ग्रामीणचे एस. पी. दासपण्णावर व ग्रामीणचे क्षेत्र महादेव मेदार यांचे प्रोत्साहन लाभत आहे.