राज्यस्तरीय स्पर्धेसाठी सुनील, अनंत यांची निवड

बेळगाव : सार्वजनिक शिक्षण खात्यातर्फे व बैलहोंगल शिक्षण खात्यातर्फे घेण्यात आलेल्या क्रीडा शिक्षकांच्या जिल्हास्तरीय अॅथलेटिक्स क्रीडा स्पर्धेत सुनील बेळगुंदकर, अनंत पाटील यांची राज्यस्तरीय स्पर्धेसाठी निवड झाली आहे.जिल्हा क्रीडांगण बेळगाव व बैलहोंगल तालुक्यातील केआरसीएस इंग्लिश मिडीयम शाळेच्या मैदानावरय् या स्पर्धा घेण्यात आल्या. या स्पर्धेमध्ये द.म.शि. मंडळ संचलित मंडोळी हायस्कूल मंडोळी शाळेचे क्रीडा शिक्षक सुनील बेळगुंदकर यांनी 200 मी. धावणे-द्वितीय, 400 मी. धावणे-द्वितीय, 4×100 मी. रिलेमध्ये प्रथम क्रमांक मिळविला. द.म.शि. मंडळ संचलित ज्योती हायस्कूल-कर्ले शाळेचे क्रीडा शिक्षक अनंत पाटील यांनी गोळाफेक, थाळीफेक व भालाफेकमध्ये प्रथम क्रमांक पटकाविला. या सर्व शिक्षकांची चिक्कमंगळूर येथे होणाऱ्या राज्यस्तरीय स्पर्धेसाठी निवड झाली. बेळगाव जिल्हा शारीरिक शिक्षण अधिकारी जुनेद पटेल, बेळगांव ग्रामीणच्या पीईओ साधना बद्री, खानापूर पीईओ सुरेखा मिरजी यांच्या हस्ते प्रमाणपत्र, पदके देवून त्यांचा सत्कार करण्यात आला.