बेळगाव : तीन महिन्यांचा पगार न दिल्याने हॉटेल कामगाराने जाहिरात फलकाच्या खांबावर चढून आत्महत्येचा प्रयत्न केल्याची घटना सोमवार दि. 16 रोजी बैलहोंगल शहरात घडली. कामगार तब्बल तीस फूट उंच खांब्यावर चढल्याने काहीवेळ गोंधळाचे वातावरण निर्माण झाले होते. मंजुनाथ बसाप्पा मडोळी (वय 48) असे आत्महत्येचा प्रयत्न केलेल्या कामगाराचे नाव आहे. तो बैलहेंगल शहरातील एका हॉटेलमध्ये काम करत होता. महिनाभर काम केल्यानंतर मालकाकडे पगाराची मागणी केली. मात्र, हॉटेल मालकाने त्याला पगार देण्याऐवजी अर्वाच्च शब्दात शिवीगाळ केल्याने त्याने रागाच्या भरात हॉटेलसमोरील जाहिरात फलकाच्या खांबावर चढून आत्महत्येचा प्रयत्न केला. ही घटना उघडकीस आल्यानंतर घटनास्थळी बघ्यांची मोठी गर्दी झाली. त्याठिकाणी असलेल्या ऑटोरिक्षा चालकांनी त्याची समजूत काढत त्याला खाली उतरविले. त्यानंतर त्याला बैलहोंगल पोलिसांच्या स्वाधीन करण्यात आले. मात्र, या प्रकारामुळे काहीवेळ गोंधळाचे वातावरण निर्माण झाले होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
