विधान परिषदेच्या नागपूर शिक्षक मतदारसंघाच्या निवडणुकीत महाविकास आघाडी पुरस्कृत उमेदवार सुधाकर अडबाले हे विजयी झाले आहेत. यामुळे भाजपसाठी हा मोठा धक्का मानला जात आहे.
नागपूर शिक्षक मतदारसंघात एकूण २२ उमेदवार निवडणुकीच्या रिंगणात होते. ५५ टक्के मतं मिळवत सुधाकर अडबाले हे विजयी झाले आहेत. महाविकास आघाडीनं पाठिंबा दिलेले अपक्ष उमेदवार डबाले यांनी पहिल्या पसंतीच्या मतमोजणीपासूनच आघाडी घेतली होती. ती अखेरपर्यंत कायम राखली. त्यांचे निकटचे प्रतिस्पर्धी मानले जाणारे भाजप पुरस्कृत नागो गाणार हे दुसऱ्या क्रमांकावर होते. मात्र, दोघांच्या मतांमधील अंतर बरेच होते. त्यामुळे मविआचा नागपुरात बाजी मारली आहे.
