सुदेश नाईक, नितीन रायकर, चार गृहरक्षकांना राष्ट्रपतीपदक

पणजी : स्वातंत्र्यदिनामित्त दरवर्षी जाहीर होणारे राष्ट्रपती पदक यंदा पोलीस खात्यातील पणजीचे विभागीय उपअधीक्षक सुदेश नाईक यांना तसेच अग्निशामक दलाचे संचालक नितीन रायकर यांना जाहीर झाले आहे. तसेच प्रमोद सराफ, वर्षा नागोजी, प्रल्हाद मयेकर, विजय सुर्लीकर यांनाही त्यांच्या उल्लेखनीय सेवेसाठी राष्ट्रपती गृहरक्षक व नागरी संरक्षण पदक जाहीर झाले आहे. पेपे गावातील सुदेश रोहिदास नाईक (47) हे जून 1999 मध्ये पोलीस खात्यात उपनिरीक्षक म्हणून ऊजू झाले. राज्यातील विविध पोलीस स्थानकांमधून काम करताना त्यांनी अनेक गुह्यांचा तपास यशस्वीपणे लावला आहे. मडगाव बॉम्बस्फोट तपासावेळी स्थापन केलेल्या विशेष तपास पथकात त्यांचा समावेश होता. जानेवारी 2006 साली त्यांना निरीक्षकपदी बढती मिळाली होती. 2022 साली त्यांना उपअधीक्षकपदी बढती मिळाली. त्यांनी उपविभागीय अधिकारी म्हणून पेडणे येथे काम केले असून सध्या ते पणजी येथे उपविभागीय अधिकारी म्हणून काम करीत आहेत.