जलतरण स्पर्धेत स्वीमर्स-अॅक्वेरिएसचे यश

बेळगाव : बेंगळूर येथे शिक्षण खात्यातर्फे घेण्यात आलेल्या राज्यस्तरीय जलतरण स्पर्धेत बेळगावच्या स्वीमर्स व अॅक्वेरियस क्लबच्या जलतरणपटूंनी 17 सुवर्ण, 15 रौप्य व 9 कास्य पदकासह 41 पदकांची कमाई करत घवघवीत यश संपादन केले आहे. बेंगळूर येथील बसवणगुडी जलतरण तलावात घेण्यात आलेल्या या राज्यस्तरीय जलतरण स्पर्धेत बेळगावच्या जलतरणपटूंनी सहभाग घेतला होता. त्यामध्ये अमन सुणगार, सार्थक श्रेयेकर, अभिनव देसाई, यशराज पावशे, समिक्षा देसाई, विहान कोरी, अलका हलगेकर, साहीशा पाटील, लावण्या आदीमनी, अथर्व राजगोळकर या स्पर्धकांनी या स्पर्धेत यश संपादन केले आहे. या सर्व जलतरणपटूंना प्रशिक्षक उमेश कलघटगी, अक्षय शेरेगार, अजिंक्य मेंडके, नितीश कुडुचकर, गोवर्धन काकतीकर, इम्रान उचगावकर मार्गदर्शन लाभत आहे.