मराठा मंडळ पॉलिटेक्निचे यश

बेळगाव : मंगळूर येथे झालेल्या 45 व्या आंतर पॉलिटेक्निक राज्यस्तरीय क्रीडा स्पर्धेत बेळगावच्या मराठा मंडळ पॉलिटेक्निक कॉलेजने 2 सुवर्ण, 4 रौप्य व 3 कास्यपदकासह नऊ पदकांची कमाई करत घवघवीत यश संपादन केले आहे. मंगळूर येथे नॉर्थ कर्नाटक 45 व्या आंतर पॉलीटेक्निक अॅथलेटिक्स स्पर्धेत मराठा मंडळाच्या 16 खेळाडूंनी या स्पर्धेत भाग घेतला होता. त्या स्पर्धेत 1500 मी. व 1000 मी. धावण्याच्या स्पर्धेत सानिका नाईकने 2 सुवर्ण, लांब उडीत व गोळा फेक शर्यतीत सोनालीने 2 रौप्य पदक, मुलांमध्ये 100 मी. धावण्याच्या शर्यतीत स्वरूप हलगेकरने कास्यपदक, भाला फेकमध्ये नेहा धामणेकर कास्यपदक, बुद्धिबळ स्पर्धेत पियुष गायकवाडने कास्यपदक, मुलांच्या 4×100 मी. रिले स्पर्धेत सुशांत, निरंजन, राहुल, साईराज यांनी रौप्य पदक, मुलींच्या विभागात सोनाली, गीतांजली, सानिका, ज्योती यांनी रौप्य पदक पटकाविले. या अॅथलेटिक्स स्पर्धेमध्ये मराठा मंडळ पॉलिटेक्निक संघाने या स्पर्धेत मोठे यश संपादन केले आहे. यापूर्वी बेळगावच्या पॉलिटेक्निक महाविद्यालयाने अशाप्रकारे यश संपादन केले नव्हते. या यशामुळे मराठा मंडळ पॉलिटेक्निक कॉलेजच्या राजश्री नागराजू यांच्या हस्ते या सर्व खेळाडूंचा गौरव करण्यात आला. महाविद्यालयाचे प्राचार्य आर्य सूर्यवंशी व इतर प्राध्यापक वर्गांचे या खेळाडूंना प्रोत्साहन मिळत आहे