ज्योती अ‍ॅथलेटिक क्लबचे सुयश

बेळगाव : बेंगलोर येथे कर्नाटक राज्य अ‍ॅथलेटिक्सअसोसिएशनच्या वतीने घेण्यात आलेल्या राज्यस्तरीय अ‍ॅथलेटिक स्पर्धा ज्योती क्लबच्या क्रिडापटूनी घवघवीत यश संपादन केले आहे. बेंगळूर येथील कंठीराव स्टेडियमवर घेण्यात आलेल्या या स्पर्धेत ज्योती अ‍ॅथलेटिक स्पोर्ट्स क्लबच्या 25 खेळाडूंनी सहभाग घेतला होता. या स्पर्धेत अनुज हनगोजीने 600 मी. धावण्याच्या शर्यतीत सुवर्णपदक पटकाविले, स्नेहल नाईकने 300 मी. धावण्याच्या शर्यतीत रौप्य पदक पटकाविला, अद्वैत गुरवने लहान गटात लांब उडी स्पर्धेत  रौप्य पदक पटकाविले, तर 100 बाय 400 मी रिले स्पर्धेत अथर्व पाटील, विराज कुगजी, प्रज्वल गोरे, अनुज हनगोजी, यांनी ज्योती क्लबच्या संघाने कांस्यपदक पटकविले, या स्पर्धेत विजयी स्पर्धक व सहभागी खेळाडूंचा ज्योती क्लबतर्फे सन्मान करण्यात आला, या सर्व खेळाडूंना क्लबचे अध्यक्ष व ज्येष्ठ प्रशिक्षक एल जी कोलेकर व प्रशिक्षक अनिल गोरे यांचे मार्गदर्शन लाभले, तर राज्याच्या महिला व बाल विकास मंत्री सौ लक्ष्मीताई हेब्बाळकर यांचे मोलाचे सहकार्य व प्रोत्साहन लाभत आहे.