काणकोण : काणकोणच्या जागरुक हिंदू कार्यकर्त्यांकडून सुभाष वेलिंगकर यांच्या समर्थनार्थ काणकोणचे उपजिल्हाधिकारी मधू नार्वेकर आणि पोलीस निरीक्षक हरिश रा. देसाई यांना निवेदने सादर करण्यात आली असून त्यात राष्ट्रीय महामार्ग अडवून सामान्य जनतेला वेठीस धरल्याबद्दल निषेध करण्यात आला आहे. मुख्यमंत्र्यांना उद्देशून अपशब्द वापरण्यात आल्याचा दावा करून त्याचा निषेध नोंदविण्यात आला आहे. काणकोणचे जागरुक हिंदूबांधव नेहमीच वेलिंगकर यांच्यासमवेत असून कोणाच्याही धार्मिक भावना न दुखावता केवळ डीएनए चाचणी करण्याची मागणी त्यांनी सरकारपाशी केली होती. त्यात काहीच गैर नसल्याचे या निवेदनात म्हटले आहे. ही निवेदने सादर करताना जितेंद्र आमशेकर, नारायण देसाई, दिलखुश शेट आणि इतर उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
