एम. व्ही. हेरवाडकर स्कूलची बाजी

बेळगाव : सार्वजनिक शिक्षण खाते व जिल्हा पंचायत यांच्या संक्युत विद्यमाने टिळकवाडी विभागीय शहर तालुका व जिल्हा स्पर्धेमध्ये एम. व्ही. हेरवाडकर हायस्कूलच्या विद्यार्थ्यांनी घवघवीत यश संपादन केले. कराटे, कुस्ती, क्रिकेट, फुटबॉल, बुद्धिबळ, बास्केटबॉल, कबड्डी, बॅडमिंटन, अॅथलॅस्टिक, प्रतिभा कारंजी आदी एकूण 200 विर्दंयार्थ्यांनी भाग घेतला होता. 56 वी फादर फुटबॉल चषक उपविजेता, शिवाजी फुटबॉल चषक, फेंडस् ट्रॉफी फुटबॉल चषकमध्ये विजेता, गव्ह. डिपार्टमेंट फुटबॉल उपविजेते ठरले. कराटेमध्ये शशिप्रिया सिंगल, कुस्तीमध्ये कल्याणी आंबोळकर, क्रिकेटमध्ये अनघा अवरगोळ, लक्ष खलायल, अविनाश माळदळकर या विद्यार्थ्यांची राज्यस्तरीय स्पर्धेसाठी निवड झाली आहे. याबद्दल स्कूलतर्फे त्यांचा सत्कार करण्यात आला. सर्व विद्यार्थ्यांना प्राचार्य शोभा कुलकर्णी, क्रीडा शिक्षक सोमशेखर हुद्दार, के. ए. हागीदळे व इतर शिक्षक आणि पालकांचे मार्गदर्शन लाभत आहे.