Strong performance of Sensex in the fourth session

सेन्सेक्सची 475 अंकांची उसळी : आयटीसी 3 टक्क्यांनी मजबूत

वृत्तसंस्था /मुंबई

चालू आठवड्यातील चौथ्या सत्रात गुरुवारीही बाजाराने आपली दमदार कामगिरी कायम ठेवल्याचे दिसून आले. यामध्ये बीएसई सेन्सेक्स व निफ्टी दोन्ही निर्देशांकांनी नवा विक्रम प्राप्त केला आहे. यावेळी निफ्टीमधील आयटीसीचे समभाग सर्वाधिक 2.64 टक्क्यांनी मजबूत होत बंद झाले आहेत. दिग्गज कंपन्यांच्या मदतीने बीएसई सेन्सेक्स दिवसअखेर 474.46 अंकांनी वधारुन निर्देशांक 0.71 टक्क्यासोबत 67,571.90 वर बंद झाले. तर दुसऱ्या बाजूला राष्ट्रीय शेअर बाजाराचा निफ्टी दिवसअखेर 146.00 अंकांनी मजबूत होत निर्देशांक 19,979.15 वर बंद झाला आहे. निफ्टीमध्ये आयटीसीचे समभाग हे सर्वाधिक म्हणजे 2.64 टक्क्यांनी वधारुन 491.5 रुपयावर बंद झाले.

या क्षेत्रांची स्थिती

दिग्गज कंपन्यांपैकी एफएमसीजी, बँक आणि औषध यांचे निर्देशांक एक टक्क्यांनी वधारले आहेत. यासोबतच ऑईल अॅण्ड गॅस यांचा निर्देशांक मात्र 0.5 टक्क्यांनी तेजीत राहिला होता. दुसरीकडे माहिती तंत्रज्ञानाची कामगिरी 0.8 टक्क्यांनी घसरुन बंद झाली आहे. यासोबतच ऊर्जा क्षेत्र 0.4 टक्क्यांनी प्रभावीत झाले आहे. सेन्सेक्समध्ये गुरुवारी आयटीसी, कोटक महिंद्रा बँक आणि आयसीआयसीआय बँक यांचे समभाग दोन टक्क्यांनी वधारले आहेत. या व्यतिरिक्त आयसीआयसीआय बँक, मारुती सुझुकी, भारती एअरटेल, स्टेट बँक, सनफार्मा, रिलायन्स इंडस्ट्रीज, अॅक्सिस बँक आणि जेएसडब्ल्यू स्टील यांचे समभाग एक टक्क्यांनी वधारुन बंद झाले आहेत. अन्य कंपन्यांमध्ये हिंदुस्थान युनिलिव्हर, टेक महिंद्रा, इंडसइंड बँक, टाटा स्टील, पॉवरग्रिड कॉर्प, एचडीएफसी बँक, नेस्ले इंडिया आणि टाटा मोर्ट्स यांचे समभाग वधारले आहेत. दुसऱ्या बाजूला घसरणीमध्ये राहिलेल्या कंपन्यांमध्ये इन्फोसिसचे समभाग हे सर्वाधिक प्रभावीत राहिले आहेत. अल्ट्राटेक सिमेंट, एचसीएल टेक आणि टीसीएस यांचे समभाग घसरणीत बंद झाले.

समभाग वधारलेल्या कंपन्या